--Ads--
Napukawan iti pwesto dagiti sumagmamano a grupo a mangipatpatungpal iti recreational activities idiay Burnham Park gapu iti pannakaipatakder ti Baguio Christmas Market.
Sigun kenni Councilor Edison Bilog, naipasigurado kenkuana nga iti kanito a maipatakder ti Baguio Christmas Market iti nasao a parke ket saan a maapektaran dagiti espasyo para kadagiti recreational activities ngem saan a nasurot daytoy.
Gapu iti daytoy, impettengna a nasken a masolusyonan daytoy tapno maisubli ti espasyo a para kadagiti apektado a grupo iti kabiitan a panawen.
Nagkiddaw met ni Councilor Bilog iti pammakawan kadagiti maseknan a grupo ken kinunana nga agserbi daytoy nga adal kenkuana tapno mapasayaat ti serbisyona iti publiko. | via Bombo Karen Sapirao
