Nangipila ti petision ti sumagmamano a health advocacy groups iti Korte Suprema a mangkukuwestunar iti zero subsidy para iti state insurer a Philippine Health Insurance Corporation (PhilHealth) iti 2025 national budget.
Karaman kadagiti grupo a nangipila ket Social Watch Philippines, Medical Action Group, Sentro ng mga Nagkakaisa iti Progresibong Manggagawa, National Public Workers Congress, Center for Migrant Advocacy Philippines, Inc., ken Likhaan Center for Women’s Health.
Inkalintegan dagiti nasao a grupo a ti kinaawan ti pondo para iti Philippine Health Insurance Corporation iti sidong ti 2025 General Appropriations Act (GAA) ket “unconstitutional.”
Ti desision a makessayan ti subsidy ti PhilHealth ket nagtaud iti P600-billion reserve funds ti state insurer, nga imbutaktak ni Senate Finance Committee chairperson Grace Poe bayat ti bicameral conference committee maipapan iti 2025 General Appropriations Bill (GAB).
Ikarkararag dagiti petitioners nga ibilin ti Korte Suprema ti automatic appropriation ti sin tax share para iti PhilHealth.
