BAGUIO CITY–Naiparikep ti sumagmamano a kalsada sadiay Sadanga, Mt. Province kalpasan a maatap a maar-aramat dagitoy iti transaksion ti iligal a droga.
Sigun kenni Sadanga Mayor Gabino Ganggangan, maar-aramat kas Drug Transhipment Road ti ruta ti Tinglayan sadiay Kalinga paturong iti – Sadanga ken Sagada sadiay Montanyosa.
Gapu iti daytoy, imapulogna ti Executive Order no. 18 series of 2020 a mangiparikep kadagiti kalsada sadiay Sadanga nangruna iti turismo.
Inlawlawag ti mayor a mudos dagiti drug courier ti agpammarang a turista ken ditoy a gudawayanda ti mangilako iti iligal a droga.
Imbutaktakna a pimmigsa ti drug trade iti nasao a munisipyo kabayatan ti panagdur-as ti sektor ti turismo ken panagnegosyo sadiay.
Inaklon pay ti opisyal a mangituntunda ti isyu ti iligal a droga iti susik iti nagbabaetan dagiti umili ken nagduduma a tribo iti masakupanda a lugar.
Nupay kasta, kinunana nga ikagumaan ti lokal a gobierno ti Sadanga, Mt. Province a parmeken ti transakion ti iligal a lugar babaen iti tulong dagiti maseknan nga operatiba.
