Inwaragawag ni House Assistant Majority Leader Jil Bongalon idi September 24, 2025 nga agikkat laengen ni Vice President Sara Duterte iti pwesto no saanna a kabaelan nga aramiden ti trabahona gaputa saan a timmabuno kadagiti hearing mainaig iti kiddaw ti Office of the Vice President para iti 2025 nga agarup P2 billion a pondo.
Innayun pay ni Bongalon a no saan nga interesado ni Vice President Duterte iti reposibilidad ken trabahona, mabalin a kiddawen dagitoy nga agikkat iti pwesto.
Sigun met kenni House Deputy Speaker Jayjay Suarez iti Quezon, maisalungasing iti pagrebengan daytoy kas Vice President ti saana a panangidipensa ken pannangilawlawag ti maipapan iti pondo a kidkiddawen ti opisina daytoy.
Nupay kasta, impaganetget ni Vice President Sara Duterte idi September 25, 2024 a saan nga agkikkat daytoy iti pwesto kas Bise Presindente ti pagilian a Pilipinas.
Sigun kenkuana, inkabil daytoy dagiti tattao iti pwesto a bise presidente gaputa mamatida nga agtrabaho daytoy para iti pagilian.
Innayun pay ni Duterte a saana sungbatan ti dua laeng a kongresista, no diket dagiti laeng tallo pulo ket dua a milion nga indibidual a nangibotos kenkuana.
Impaganetgetna pay nga awan ti inaramidna a maisalungasing iti linteg a mangitudna iti panaglusulosna iti pwesto daytoy.
