Sukimaten ti Department of the Interior and Local Government (DILG) ti pammalawag dagiti local chief executives a pimmanaw iti pagilian iti baet ti pannakaiparit ti foreign travels, kabayatan ti panagdalapus ti Super Typhoon Uwan.
Sigun kenni Palace press officer Undersecretary Claire Castro, kasapulan a masukimat ti panangilawlawag dagiti local chief executives a pimmanaw.
Masukimat daytoy babaen iti panangidaulo ni Interior Secretary Jonvic Remulla.
Maipalagip nga immuna nga imbilin ni Interior Secretary Remulla nga ikanselar dagiti elective ken appointive local officials dagiti foreign travel dagitoy manipud November 9 agigga 15, 2025.
Daytoy ket kagiddan ti panagdalapus ti Super Typhoon Uwan iti pagilian.
Nagpalagip metlaeng daytoy kadagiti opisiales nga iti sidong ti Local Government Code of 1991 ken Republic Act No. 10121, dagitoy ti mangidaulo kadagiti Local Disaster Risk Reduction and Management Councils ken masapul a pisikal nga addada iti amin a disaster management.
Maidagdagadag pay kadagiti LGUs a tumulong kadagiti apektado a komunidad, mapaaktibo dagiti Local Price Coordinating Councils tapno malapdan ti overpricing, ken makikoordinarda kadagiti Regional, Provincial DRRMCs ken DILG Regional Offices para iti naintiempuan ken nagtipon nga aksyon.
