ITOGON, BENGUET- Karit kadagiti maseknan nga opisiales ti Munisipyo iti Itogon, Benguet dagiti sumagmamano a Minero a mangipapilit nga agkampo kadagiti Critical areas partikular iti asideg ti pagminasan dagitoy.
Iti pannakiuman ti Bombo Radyo kenni Engr. Cyril Batcagan, Officer iti Municipal Disaster Risk Reduction and Management Office (MDRRMO) iti Itogon, Benguet, dadduma kadagiti minero ti agaramid iti Campoda iti asideg dagiti pagminasan dagitoy.
Nupay kasta, saanda nga ummikkat iti baet ti napigsa a panagtudo a posible a mangitunda iti panagreggaay.
Sigun kenni Engr. Batcagan, kanayonda a palagipan dagiti residente sadiay Itogon nga argidam ken kanayon a bantayanda ti aglawlaw nangruna no mapasaran ti panagtutudo.
Nangisayangkat metlaeng dagitoy iti monitoring kadagiti Critical Areas iti nasao a Munisipyo.
Kinunana a nabigbig ti Sitio Luneta, Barangay Loacan ken Sitio Tipong, Barangay Ampucao a Critical Areas gapu kadagiti dilikado a bambantay.
Kabayatanna, kinuna ni Batcagan a ti nabayag a mining tunnel, sloppy mountain, ken minas ti sumagmamano a kitkitaenda a rason iti panagreggaay ti daga idiay Itogon.//mp4
