--Ads--
Inwaragawag ti City Environment and Parks Management office a maiparekep ti Botanical Garden, Mines View Park, Wright Park ken Dominican Heritage and Nature park inton bigat gapu paylaeng iti severe tropical storm Nika.
Gapu iti dayta, nagballaag ni Mayor Benjamin Magalong kadagiti turista pakairamanan dagiti umili iti suidad ti Baguio a liklikan a rumuar para iti seguridad dagitoy.
Mabalballaagan metlaeng dagitoy nga agbalin nga alerto ken updated iti mapaspasamak iti aglawlaw dagitoy.
Kabayatanna, nagpalagip manen ti General Services Office iti publiko a saan nga agiruar kadagiti basurada agsipud ta saan dagitoy nga agkolektar iti basura inton bigat.
