Nagsanud dagiti dadduma a pamilya ti mapukpukaw a sabungeros nga ituloy ti kaso kalpasan a maatap a nabayadan dagitoy.
Nupay kasta, agtultuloy ti kaso iti baet a maysa laeng ti dimmar-ay iti panagdengngeg.
May-maysa laeng ni Charlene Lasco a dimmar-ay iti panagdengngeg iti Quezon City Regional Trial Court.
Kabsat daytoy ti mapukpukaw a ni master agent Ricardo “Jonjon” Lasco Jr. a nakawtibo idi Agosto 2021.
Immuna nga inaklun ni Whistleblower Julie “Dondon” Patidongan a daytoy ti nagbayad iti P2 million para iti pannakakawtibo ni Jonjon Lasco.
Impetteng ni Charlene Lasco a saannan a ma-contact dagiti kakaduana a nangikari nga ilabanda ti hustisya para kadagiti napukaw a pamilya dagitoy.
Sigun kenni Charlene Lasco, nakangngeg iti sayangguseng a nabayadan dagiti dadduma a pamilya ti mapukpukaw a sabungeros.
Innayunna a naidiaya metlaeng kenkuana ti kuarta, kasukat ti pannakabondona ti kaso.
