--Ads--
Imbutaktak ti whistleblower, a binaybayadan ni businessman Charlie “Atong” Ang dagiti sumagmamano a policemen iti agarup P2M iti binulan.
Sigun kenni Julie “Dondon” Patidongan, maatap a ti go signal tapno ma-abduct ken mapapatay dagiti mapukpukaw a sabungero ket manipud iti nasao a businessman.
Kinunana a daytoy ti pangipakpakaammo kadagiti uniformed personnel iti pammilin ni Ang.
Impettengna a ti mapapati a kangatuan a gatad a naibayad iti police unit a nangaramid iti naibilin a trabahoda ket dumanon iti P2.6 million.
Inkarina metlaeng a pagtalinaedenna ti statements daytoy agingga iti trial.
