Imbutaktak ti maatap a bagman ni Vice President Sara Duterte a ni Ramil Madriaga a karaman ti financial officer ti Pharmally Pharmaceuticals a ni Lin Wei Xiong kadagiti timmulong a pondoan ti kampanya ni VP Duterte idi 2022.
Sigun kenni Madriaga, binilin ni sigud a President Rodrigo Duterte a buklen ti Social Justice, Innovation, and Progress Pilipinas ISIP Pilipinas, Inc. (ISIP) wenno ti inawaganna nga “Inday Sara is my President.”
Impetteng ni Madriaga a dumanon iti P175 Million ti naawat ni bise Presidente Sara kenni Lin Wei Xiong para iti organizing efforts, promotional, ken campaign activities ti ISIP.
Innayon daytoy a naikabil dagiti kuarta iti backpacks ken bags.
Inyunay-unay ni Madriaga nga inawatna ti kuarta iti presensiya ni Lin Wei Xiong ken dua pay nga indibidual.
