BAGUIO CITY – Temporaryo paylaeng a maipasardeng dagiti proyekto ditoy Baguio City a supsuportaran ti Tourism Infrastructure and Enterprise Zone Authority (TIEZA) gapu iti kinakurang ti pondo
Sigun ken TIEZA chief operating officer Mark Lapid, saanda a nakaala iti travel tax gapu iti bimmaba a bilang ti local ken international a byahe gapu iti agdama a pandemya
Inlawlawagna a nakabasar ti pamastrekan ti ahensya iti bilang dagiti byahe.
![](https://img.bomboradyo.com/baguio/2021/06/burnham-2.jpg)
Malaksid iti dayta, naaramar ti pondo ti TIEZA iti pandemic response ti gobierno isut gapu nga agkurkurang ti pondo dagitoy
Nupay kasta, inpanamnamana iti saan a pannakakanselar ti assistance nga ipapaayda kadagiti proyekto ti syudad iti baet ti pannakaitantan daytoy
Maipalagip nga inaprobaran ti TIEZA ti P400 milyon a pondo para iti rehabilitasyon ken development ti Burnham Park ken sewerage treatment plant ti syudad idi tawen 2019.