Umap-apela ti sumagmamano a residente idiay Purok 18 ken Purok 16 idiay Irisan, Baguio City kadagiti maseknan nga ahensya ken opisyales iti pannakasolbar ti kanayon a panaglayos sadiay tunggal pumigsa ti tudo.
Sigun iti maysa a residente sadiay a saanen a nagpabigbig, nangrugi ti nasao a parikut idi 2003 no sadino agoverflow ti danum nga agturong iti kalsada, rason tapno malayos dagiti shops ken sumagmamano a balay sadiay.
Innayon pay daytoy nga adadda a kimmaro ti parikutda idi nareconstruct ti kalsada iti 2012 no sadino kasla nagbaliktad daytoy nga imbis a pangato ti kalsada ket itan ket saanen.
Imbinglay pay daytoy nga idi 2003, aglayos man ti kalsada, ngem saand daytoy a nangato nu idilig ita nga agduadua payen dagiti sumagmamano a motorsiklo a dumalyasat iti nasao a kalsada.
Kidkiddawen met daytoy a nu mabalin ket maiyakar ti drainage wenno kanal tapno masolbar ti pakaseknan dagitoy.
Kabayatananna, sigun met kenni Rex Mendoza, residente ken empleyado ti maysa a vulcanizing shop, apektado ti trabaho dagitoy tunggal aglayos iti pagtatrabahoanda gapu ta kapilitan nga isardengda daytoy.
Kidkidawen met daytoy ti dagos a panagaksyon dagiti maseknan nga ahensya para iti panangadal iti nasaysayaat a drainage system tapno maliklikanen ti nasao a pasamak.
Mainaig iti dayta, maysa pay kadagiti residente a saanen a nagpabigbig ti nakauman ti Bombo Newsteam no sadino inyebkasna ti namnamana nga ikonsidera dagiti maseknan nga ahensya ti suhestyonda.
Kabayatanna, sumagmamano metlaeng a pagtaengan ken rent house ti maap-apektaran gapu iti masansan a panaglayos iti nasao a lugar. // via Bombo Noveh Organo
