Posible a saan nga ipasango ti House prosecution panel ti sumagmamano a testigo ken posible a saan metlaeng a maituloy ti panagtalantan iti dadduma nga articles of impeachment no makitada nga umdas dagiti ebidensya para iti pannaka-impeach ni Vice President Sara Duterte.
Sigun kenni Manila Representative Joel Chua, panggepda a rugianen ti panangilatag iti kaso iti maatap a pangta ni VP Sara kontra kenni President Ferdinand Marcos, Jr. a mapasarunoan iti alegasyon ti saan a nasayaat a panagaramat iti confidential funds, panangkikil, ken ‘unexplained wealth’ daytoy.
Impetteng ni Chua nga apaman a makitada nga umdas ti kaso a maipila kontra iti bise presidente, posible a lepasenda a dagos ti presentasyonda ken i-waive dagitoy dagiti dadduma pay a testigo ken articles of impeachment. //bombokaren.c.sapirao
