Tarigagay iti Baguio City a padur-asen ti sektor ti agrikultura daytoy.
Iti panakiuman ti Bombo Radyo kenni Engr. Bonifacio Dela Peña, City Administrator iti Baguio City, ado ti konsepto ken planoda seknan iti panakaital-o ken panakaaramid dagiti garden greeneries.
Malaksid iti dayta, naituding met ti panagturong dagitoy sadiay South Korea iti umuna a lawas iti Pebrero para iti pakapinal iti kontrata dagiti mannalon a maipatulod sadiay para iti panagtrabahoda iti innem a bulan.
Kinuna Dela Peña a ti bilang dagiti mannalon a maipatulod idiay South Korea ket dumanon iti mapatta-patta a lima pulo.
Dakkel met ti agbalin a tulong ti panagtrabaho dagiti mannalon sadiay gapu ta dumanon iti Php60K agingga Php80K ti mapastrekanda tunggal bulan.
Iti sabali a bangir, maad-adal paylaeng met nu kasano a matulungan dagiti cut flower farmers iti Baguio City.//Bombo Mera Pacpacan
