Imbutaktak ni Defense Secretary Gilbert Teodoro a sumagmamano empleyado ti National Defense ti pagilian ti inrekrut ti China tapno mangibinglay kadagiti sensitibo nga impormasion ti Pilipinas.
Sigun kenkuana, nainget a bambantayanda agsipudta adda ti maatap a recruitment attempts kadagiti empleyado ti Department of National Defense (DND) tapno agserbi nga espia ti Beijing.
Kinumpirmar ni Teodoro a tallo nga empleyado ti DND ti nangaklun nga imbinglayda ti sensitibo nga impormasyon sadiay China.
Iti baet dayta, dagus a nalapdan ken awan ti naipaay a sensitibo nga impormasyon.
Nupay kasta, saan a naan-anay a maigarantiya ni Teodoro a saanen a mapasamak ti kapada nga insidente ngem binallaaganna dagiti empleyado a mamonitor dagiti alikamen dagitoy.
