BAGUIO CITY–Dinadael dagiti pulis ti maysa a pagpallutan nga iligal a naipasdek sadiay Timbac, Cattubo, Atok, Benguet itay laeng nabiit.
Maibasar iti report, nakaawat dagiti personnel ti personnel ti Atok Municipal Police Station iti impormasyon seknan iti presensya ti pagpallutan iti nasao a lugar.
Nagresponde dagitoy ken sadiay a nadanunanda ti nasao nga istruktura a dagusda a dinadael.
Kabayatana, nangisayangkat metlaeng iti anti-illegal gambling operation dagiti pulis sadiay Hartwell, Ampucao, Itogon, Benguet.
Nagresulta daytoy iti panangdadael dagiti personnel ti personnel ti Itogon Municipal Police Station iti maysa a pagpallutan a nasarakanda iti maysa a communal area.
Agpada nga awan ti nakemmeg dagiti otoridad nga indibidual a mangar-aramat kadagiti nadadael nga istruktura.**
