Impakaammo ti Department of Public Works and Highways (DPWH) a saanda a naaramid dagiti 17 nga official development assistance (ODA) funded projects.
Karaman kadagiti naitantan a proyekto dagitoy ti Pasig-Marikina River Channel Improvement Project, Metro Manila Flood Management Project, Cavite Industrial Area Flood Risk Management Project, ken Cagayan de Oro Flood Risk Management Project.
Nupay kasta, inlawlawag ti DPWH a nataktak ti implementasyon ti sumagmamano a proyekto gapu iti budget constraints.
Sigun iti DPWH Secretary Manuel Bonoan, pinakdaaran ti lending institutions dagitoy, gapu ta madmadlawda a saan nga umdas dagiti “appropriations” nga inkabilda kadagiti proyekto a mangsustiner iti momentum ti implementasion.
Inlawlawag metlaeng ti nasao nga ahensia a maysa kadagiti karit a sangsanguen dagtoy ti programa a saan a nasukimat ti National Expenditure Program ti gobierno.
Mangapektar daytoy iti budget dagiti agdama a proyekto a pakaigapuan ti pannakaitantan dagitoy.
Maipalagip a binallaagan ni President Ferdinand Marcos Jr. ti Kongreso iti kallabes nga State of the Nation Address daytoy, a saan nga umanamong iti aniaman a budget allocations a saan a paset ti National Expenditure Program.
