Nagbakwit ti agarup 1,200 a residente ken turista gapu iti wildfire iti sumagmamano a coastal city sadiay pagilian a Croatia.
Karaman kadagiti naibakwit ti sumagmamano nga Overseas Filipino Workers (OFW) nga agnanaed ken agtatrabaho sadiay Omis.
Nagrugi ti uram idi Huebes sadiay Lokva Rogoznica agingga a nakadanum iti tourist town nga Omis.
Mapattapatta a 1,000 nga ektarya a daga ti nauram iti uneg laeng ti uppat nga oras gapu iti napigsa a pul-oy ti angin.
Sigun kenni Croatian Prime Minister Andrej Plenkovic, 10 a tattao ti adda iti intensive care unit a pakairamanan ti 40 a tattao a nadangran gapu iti nasao nga uram.
Iti baet a kimapsot ti apoy, nabara paylaeng dagiti bambantay ken awan paylaeng ti koriente iti sumagmamano a lugar.
Agtultuloy a makapaspasar ti Croatia iti wildfire ken dadduma pay a paset ti Europa gapu iti epekto ti heatwave sadiay.
