BAGUIO CITY – Makipaset ti sumagmamano nga opisyales ti South Korea iti panakarambak ti 36th Strawberry Festival ti La Trinidad, Benguet.
Sigun kenni Mayor Romeo Salda, manamnama nga inton March 12 a dumar-ay ti sangapulo ket duwa nga opisial ti Jeunju City para iti panagpirmada iti katulagan iti nagbaetan ti duwa a lugar.
Kinunana a kalpasan iti daytoy ket pagsaritaanda met dagiti nadumaduma a programa a mabalin dagitoy nga isayangkat a pagnumaran ti duwa a lugar.
Naamuan a maysa kadagiti programa dagitoy ket ti panangipatulodda iti mannalon manipud Benguet sadiay Jeunju Korea.
Malaksid iti daytoy, kinunana a sakbay nga agpinirma dagitoy iti nasao a katulagan ket mangisayangkatda pay ti maysa a programa kas panangpasangbay kadagiti bisita ken maipasyar metlaeng dagitoy iti nadumaduma a tourist spot ti munisipyo.
Naamuan met a malaksid iti munisipyo ti La Trinidad ket agturong metlaeng sadiay Tuba dagiti nasao nga opisyal.
