Naituding intun September 23, 2025 ti sumaruno a panagdengngeg iti kaso ni sigud a president Rodrigo Duterte iti International Criminal Court.
Kasaruno daytoy iti kaleppas a confirmation hearing idi kalman.
Iti pannakiuman iti Bombo Radyo kenni Atty. Edgar Avila, Legal Luminary kinunana a mairuar intun September 23 ti kinuna ni Atty. Salvador Medialdea, Legal council ni Duterte seknan iti maatap a saan a ligal a panagtiliwda kenni sigud a president Duterte.
Sigun kenni Atty.Avila, posible a dua angingga tallo a tawen ti minimum a pannakaileppas ti kaso ni Duterte ken dumanon iti wallo a tawen ti maximum daytoy.
Kabayatanna, bayat a manarimaan ti panagdenggeg iti kaso ni Duterte, agtalinaed a nakakulong daytoy iti pasilidad ti International Criminal Court.
Nupay kasta, mabalin nga agkiddaw ni Duterte iti provisional liberty weno interim liberty.
Babaen iti daytoy, mabalin a temporaryo a mawaya-wayaan ni Duterte ngem saan a mabalin nga agawid iti Pilipinas ken agtalinaed laeng idiay Netherlands.
Maipaay daytoy apaman a mapaneknekanna a saan a tumaray, mangharass iti tistigo ken saan a mangdadael iti ebidensia.
Sigun kenni Atty. Avila, rumbeng nga iti ICC a maipila dagiti petision ken saan nga iti korte suprema ti pagilian a Pilipinas.//mp4
