BAGUIO CITY – Ur-urayen ti municipio ti La Trinidad, Benguet ti panangaprobar ti Bases conversion and Development Authority (BCDA) iti kiddaw ni La Trinidad Mayor Romeo Salda a panangipaayda iti kanayonan a test kits nga aramatenda kadagiti traders a saan a pay a naipasidong iti testing sadiay La Trinidad Vegetables Trading Post.
![](https://img.bomboradyo.com/baguio/2020/11/123654069_1061840174248028_9149172627145061249_n-1.jpg)
Sigun kenni Mayor Salda, nagkiddawda iti kanayonan a dua a ribo a test kits manipod iti BCDA kalpasan a nagkurang ti inaramat dagitoy kadagiti inmuna a pannakaipatungpal ti mass testing sadiay La Trinidad.
Kinunana a mangipatungpalda pay ita iti “No ID, No uniform, No entry” kadagiti sumrek iti trading post kalpasan a sinuspendirda ti “No Swab Test, No Entry” gapu iti kinakurang dagiti test kits.
Kagiddan iti dayta, umap-apela ti mayor kadagiti dadduma a traders iti Benguet Agri-Pinoy Trading Center (BAPTC) ken dadduma a private trading center para iti panakipartisipar dagitoy tapnu ma-detect wenno maduktalan dagiti carrier iti COVID-19.