Simmangpeten ti MV Kapitan Felix Oca wenno advance party ti Atin To idiay Pag-asa Island bitbit dagiti nagduduma a suplay kas iti makan ken krudo para kadagiti residente iti nasao a lugar.
Nasapa met ti sangapulo a minutos manipud iti oras a manamnama nga isasangpetna idiay West Philippine Sea.
Apaman a nakasangpet dagitoy, dagos a rinugian dagiti miyembro ti advance party a mangibaba kadagiti ayuda tapno maisagana para iti distribusyonna kadagiti lokal nga umili.
Ti nasao nga aktibidad ket paset iti resupply mission idiay West Philippine Sea.
Nangrugi ti nasao a misyon idi kalman ket naituding a malpas inton Mayo 5 iti agdama a tawen.
Kabayatanna, manamnama met ti panagdalyasat ti umuna a barko ti maika-uppat a Civilian Mission ti Anin To inton bigat. .//bombokaren.c,s
