--Ads--
Umdas paylaeng ti suporta ni Senador Francis ‘Chiz’ Escudero manipud kadagiti padana a senador tapno agtalinaed a Senate President.
Sigun kenni Senador Joel Villanueva, agtalek nga umdas ti suporta ni Senador Escudero.
Kinunana a kinasaritana ti kaadduan a senador ket inyebkasda ti suportada para iti nasao nga opisial.
Dumanon iti 13 a senador ti nangiyebkas ti suporta para kenni Escudero nga agtalinaed iti Senate president.
Inyebkasna pay ti suportana kenni Escudero gapu iti nasayaat nga aramid nga impakitana.
Dinakamat ni Villanueva, a majority leader ti 19th Congress, a mangrugi ita a 20th Congress ket bakante ti amin a Senate leadership.
Manipod iti Senate president, president pro tempore, majority leader ket pagbutosan manen.
