--Ads--
BAGUIO CITY – Guyguyugoyen ti Baguio Fire Department dagiti umili ti Cordillera a suportaranda ti tallo a taga Cordillera a makipaset iti BFP Miss National Fire Olympics 2017.
Segun kenni SFO2 Camilo Balancia, information officer ti nasao nga opisina, maisayangkat ti beauty contest inton Marso 23 agingga 24 sadiay Quezon City.
Kinunana nga ibagi ni Miss Olivia Lambayong ti BFP Cordillera, ni Miss Jenalyn Rodas ti Industrial Cordillera bayat a ni Miss Zeny Rose Gorospe ti mangibagi iti Barangay Cordillera.
Innayunna a tallopulo a porsiento iti criteria ket agtaud iti likes ken shares iti facebook account.
Dinakamatna a sipud idi kalman ket no. 3 ti Cordillera Administrative Region kadagiti nakagun-od iti likes ken shares iti social media.
