BAGUIO CITY – Impanamnama manen ni Cabinet Secretary Karlo Alexei Nograles ti naan-anay a suporta ni Presidente Rodrigo Duterte iti maisaksakad nga otonomiya ti Cordillera.
Sigun kenkuana, dakkel ti panagraem ti presidente iti natibker a lokal a gobierno a maysa a maipakita iti kanito a magun-od ti Cordillera ti otonomiya.
Kinunana a maipasiguradona ti suporta ti presidente iti otonomiya kas iti panangipakita daytoy iti suportana iti panakabukel ti Bangsamoro Autonomous Region in Muslim Mindanao.
Nupay kasta, dinakamatna a masapol a magna daytoy iti umno a proseso ken maala amin ti suporta dagiti stakeholders malaksid a manggegan amin a benneg dagiti nagduduma a sektor.