BAGUIO CITY – Nakemmeg ti maysa a supplier ti maysa a drug group nga addaan operasyon iti Northern Luzon iti buy-bust operation a naisayangkat sadiay Barangay Santo Tomas Proper, Baguio City idi rabii.
Nabigbig daytoy a ni Junnel Lozano.
Nakumpiskar kenkuana ti 50 a gramo ti maatap a shabu nga aggatad ti agarup P400-K nga isuplay kuma daytoy iti maysa a drug group nga addaan operasyon iti Northern Luzon.
Naisayangkat ti operasyon babaen iti nagtitipon a pwersa ti Land Transportation Interdiction Unit ti PDEA-Cordillera, PDEA-Baguio, PDEA-Benguet ken ti Baguio City Police Office – Station 10.
Sigun met kenni PDEA-Cordillera regional director Gil Castro, paset daytoy ti napabaruan ken nairtengan pay nga anti-drug efforts dagiti panakabagi ti linteg a nakatutuk ita kadagiti high value targets ken high impact operation tapnu madalusan dagiti barangay iti pagilian.