Kinompirmar ni US President Donald Trump a pimmusay ti Supreme Leader ti Iran a ni Ayatollah Ali Khamenei.
Pimmusay daytoy kalpasan a nangiyuswat ti Estadus Unidos ken Israel iti panagatake sadiay Iran idi Sabado, Februay 28, 2026.
Sigun kenni US President Trump, nasarakan ti bangkay ti dadaulo ti Iran kalpasan ti napasamak a panagatake dagitoy iti Iranian military ken government sites.
Maipalagip a ni Khamenei ket maysa kadagiti dua a supreme leader ti Iran manipud idi napasamak ti Islamic Revolution idi 1979.
Kas kangatuan a lider ti pagilian nga Iran, daytoy ti pangulo ti estado ken commander-in-chief ti armed forces, agraman dagiti elite a Revolutionary Guards.
Sigun kadagiti agtutubo nga Irani, daytoy ti umuna a gundaway a makapadasda nga awan ni Khamenei kas liderda.
Kabayatanna, pimmusay metlaeng dagiti kameng ti pamilya ni Khamenei, karaman ditoy ti anakna a babae, apo, manugang na a babae ken lalaki kalpasan ti panagatake ti Estadus Unidos ken Israel.
