BAGUIO CITY- Agtultuloy a suksukimaten dagiti otoridad ti pakabigbigan dagiti suspek a nangbangsol iti maysa a menor de edad sadiay Melvin Jones Grandstand, Baguio City idi malem ti Abril 20.
Sigun iti report, ururayen ti biktima ti amana iti nasao a lugar idi inasitgan dagiti saan pay a nabigbig a suspek ken killaat a dinangranda daytoy.
Indepensa ti biktima ti bagina ngem binagsol daytoy ti maysa kadagiti suspek iti kannigid a paset ti tiyanna ken dagus a naglibas dagitoy.
Nagsagrap ti biktima ti dunor ngem nabaelanna a nagturong iti Otek Street tapno agkiddaw ti tulong iti pagayamna.
Naitaray metlaeng daytoy iti ospital babaen ti tulong ti pulisya ken personnel ti Emergency Medical Service.
Iti agdama ket agtultuloy ti pannakataming ti biktima iti ospital.
