Nabigbigen dagiti suspek iti likudan ti naranggaas nga insidente ti pammaltog iti Bondi Beach idiay Australia idi napalabas a lawas a nangpapatay iti 16 nga indibidual bayat 40 a dadduma pay nga indibidual ti agtaltalinaed iti pag-agasan.
Sigun iti lokal a pulisya, napapatay ti police iti mismo a crime scene ti suspek nga agtawen ti 50 a maysa nga ama bayat a ti anakna nga agtawen ti 24 ket adda iti kritikal ngem natalged a kasasaad.
Naamuan a ti suspek ket maysa a licensed firearms holder ken addaan iti innem a paltog a nakarehistro iti naganna, a nasarakan iti Bondi Beach.
Nasarakan metlaeng iti mismo a nakapasamakan ti krimen ti dua nga active improvised devices ngem kamaudianan ket naideklara a natalged ti lugar kalpasan a naikkat dagiti pampasabog iti lugar.
Kalpasan ti insidente, nangiwaras iti 328 a police officers tapno mangipaay ti kanayunan a seguridad ken suporta para iti Jewish community idiay Sydney.
Iti napasamak gamin a pammaltog, pinuntiria ti Jewsih community a mangramrambak ti panangrugi ti tinnawen a Hanukkah, ti walo nga aldaw a Jewish Festival of Lights.