BAGUIO CITY – Boluntaryo a simmuko ti suspek iti insidente ti pammaltog iti Soot River sadiay Mudeng, La Paz, Abra idi April 26 a nakayatan ti maysa a mannalon.
Nabigbig ti suspek a Milo Borce, agtawen iti 53, mannalon ken residente ti Curibot, Mudeng, La Paz Abra.
Maibasar iti report, simmuko ni Borce iti opisina ti mayor ti La Paz.
Maipalagip a pinalpaltugan ni Borce ti biktima nga immunan a nabigbig a ni Dante Bersamina, agtawen iti 57, mannalon ken residente met laeng iti nasao a lugar.
Nagsagrap ti biktima iti tama ti paltog iti nagduduma a paset ti bagina a nagresulta iti dagus a pannakatayna.
Agserbi kas ebidensya ti maysa nga empy shell ti shotgun a mapapati nga inaramat ti suspek iti krimen.
Makasuan ti suspek iti frustrated homicide.
Maibasar pay iti impormasyon, naaramid ni Borce ti krimen kas pammales iti panakapapatay ti kabsat daytoy.