Baguio City – Maan-anop ita ti suspek a nangbagbagsol iti maysa a lalaki sadiay Bayan Park, Aurora Hill Baguio City idi kanikadua.
Nasarakan ti bangkay ti biktima iti backseat ti maysa a kotse a nakaparada iti nasao a lugar ken nabigbig daytoy a ni Arvin Pineda, 49-anyos, naasawaan, caretaker ken residente ti nadakamat a lugar.
Maibasar iti report, nakaawat ti tawag dagiti pulis seknan iti nasao a banag ken iti panagrespondeda ket nadanunda ti dara-dara a bangkay ti biktima.
Nakapasar ti biktima iti dunor iti tengged ken kanawan a barukongna.
Narekober met iti nakapasamakan ti insidente ti maysa a kutsilyo a mapapati a naaramat iti panakabagbagsol ti biktima.
Naduktalan pay iti imbestigasyon nga adda ti kadwana iti nasao a lugar sakbay pay a napasamak ti insidente ngem saanen a nakita daytoy idi nagresponde dagiti pulis.
Iti agdama, addan ti bangkay ni Pineda iti maysa a punerarya ditoy siudad para iti panakaipasidongna iti otopsiya.
