Inwaragawag ti Department of the Interior and Local Government (DILG) a posible a naimpluwensyaan iti deep dark web ti Grade 9 student a suspek iti napasamak nga school shooting incidents idiay Banga NHS idiay South Cotabato idi kalman.
Sigun kenni DILG Secretary Jonvic Remulla, nakitada iti cellphon daytoy nga adda pay dagiti notes nga inar-aramidna seknan iti mapaspasaranna a depression no sadino idi laeng Abril iti agdama a tawen a naamuwan daytoy dagiti nagannakna.
Kinumpirmarna metlaeng a ti paltog nga inaramat ti suspek ket kukua ti ama na a maysa a disaster risk mitigation officer ti Department of Education (DepEd).
Kabayatanna, impetteng met ti Philippine National Police a mannarimaan ti imbestigasyonda seknan iti napasamak tapno maamuwan nu anya ti nangitunda iti suspek a mangaramid iti nasao a krimen.
Inlawlawag ti nasao nga ahensya a nagduduma a bambanag ti tingtingitingenda a mabalin a nangiduron iti suspek nga aramiden ti pammaltog.
Nupay kasta, ti laeng makumpirmarda ket mahilig ti suspek iti social media ken nararanggas nga internet activities.
Mainaig iti dayta, nagpallagip metlaeng ni Remulla kadagiti nagannak a kitaenda dagiti social media activities dagiti annakna pakairamanan dagiti website a bisbisitaenda.
Impettengna a saan daytoy a privacy issue gapu ta kasapulanda metlaeng a makibiyang kadagiti araramiden dagiti annakda tapno saanda a mailumlom kadagiti dakkes nga online activities ken contents.
