Kinondenar ti Taiwan ti inaramid ti China a wagas tapno ngumato pay ti tensyon oto rehiyon gapu kadagiti narisgo a tignay dagitoy kontra iti Pilipinas idiay West Philippine Sea.
Iti post iti social media, impeksa ti Ministry of Foreign Affairs ti Taiwan a, ”#China’s dangerous actions against #Philippines vessels & personnel have maliciously raised regional tensions.”
Mabasa pay iti post ti, ”#Taiwan condemns violence, opposes attempts to forcefully alter the status quo & calls for peaceful dispute resolution & respect for international maritime law.”
Itay laeng nabiit, inulit manen a hinarang dagiti kameng ti China Coast Guard dagiti suldado a Pilipino a nakasakay kadagiti barko para iti “rotation” ken “resupply mission” idiay Ayungin Shoal.
Pito a suldado ti nadangran iti napasamak a panangriribuk ti China nu sadinno, maysa kadagiti suldado ti naputdan ti ramay.
Inala pay dagiti kameng ti China Coast Guard dagiti armas dagiti suldado.
Iti video a naipablaak nga inruar ti Armed Forces of the Philippines, maimatangan ti ladawan ken video dagiti kameng ti CCG a naka-iggem ti kampilan ken wasay.
Sigun iti Philippine Navy, posible nga ingagara ti China a papungtuten ti Pilipinas babaen iti panangipatungapalda iti saan a nasayaat a wagas idiay West Philippine Sea tapno umuna nga agpaputok dagiti suldado a Pilipino ti paltog.
Kinuna ni Navy spokesperson for the West Philippine Sea Commodore Roy Vincent Trinidad a, “They would like to push us to fire the first shot. ‘Yun ang labanan diyan. You should understand. [The] Chinese thought papatol tayo sa maling paraan.”
Malakid iti Taiwan, nangipaay met ti panagdanag ti Estados Unidos, European Union ken dadduma pay a pagilian iti kinaranggas nga ar-aramiden ti China.
