Pinatganen ti gobierno ti Pilipinas a visa-free entry dagiti Taiwan passport holders mangrugi inton Hulio 1, 2025.
Iti social media post, kinuna ti Manila Economic and Cultural Office (MECO) a dagiti agtagikua iti pasaporte ti Taiwan ket mabalin a sumrek iti pagilian para kadagiti panggepna nga agpasiar nga awan ti visa para iti non-extendible ken non-convertible period a sangapulo ket uppat nga aldaw.
Dagiti kasapulan a requirements ket valid passport, confirmed hotel accommodation/booking, pammaneknek iti financial capacity, ken return ticket.
Sakbay daytoy, immunna a pinaatiddog ti Taiwan ti visa-free privilege para kadagiti Pilipino, kasta met kadagiti umili ti Thailand ken Brunei iti maysa a tawen wenno manipud Agosto 1, 2025 agingga iti Hulio 31, 2026.
Agpatingga koma inton Hulio 31, 2025 ti agdama a visa-free privilege policy a tagtagiragsaken dagiti Pilipino.
