Impakaamo ti Malacañang nga agtaltalinaed nga “firm but diplomatic” ti posisyon ni President Ferdinand “Bongbong” Marcos, Jr. seknan iti relasyon ti Pilipinas ken China.
Sigun kenni Palace Press Officer Undersecretary Claire Castro, nalawag daytoy a takder ti presidente iti panangdepensana iti soberanya ken karbengan ti pagilian a Pilipinas kagiddan iti panangisimpa iti nasayaat a linya ti komunikasyon iti pagilian a China.
Impasigurado met ti Malacanang nga agtalinaed a natibker ti takder ti gobyerno iti panangprotektar iti teritoryo ti Pilipinas kabayatan iti panangiminintinir iti naanayas a panangtalantan iti isyu ti teritoryo ti Pilipinas.
Innayon pay ti palasyo nga saanda nga ikonkonsidera ti nagbalin nga statement ti Chinese Embassy kas wagas tapno mapatalna ti Senado gapu ta karbenganda dagitoy a mangiyebkas ken mangibinglay ti sentimyentoda. // Bombo Karen Calpoe Sapirao
