Nagpakdaar ti Bureau of Internal Revenue (BIR) ti pannakaipaulog ti takedown order kontra kadagiti online sellers a saan nga agbayad iti withholding tax ken saan nga agparehistro iti negosioda.
Maibasar iti statment ni Bureau of Internal Revenue Commissioner Romeo Lumagui, mabalin a masuspende ti business operations babaen ti pannakaipaulog ti closure wenno takedown orders kontra kadagiti online businesses.
Paset daytoy iti panggep ti nasao nga ahensia a patas ti playing field iti nagbaetan dagiti physical ken online stores babaen iti patas a panangregulate kadagitoy.
Sigun kenni Lumagui, mabalin a maiserra dagiti online businesses babaen iti takedown order.
Impaganetget ti nasao nga opisial a ti pannakaserra dagiti online businesses ket saan a manglapped iti Bureau of Internal Revenue a mangipila kadagiti tax evasion cases iti sidong ti programa a Run After Tax Evaders.
Kabayatanna, kinuna ni Lumagui a bantayan ti nasao nga ahensia dagiti digital platforms ken e-marketplace platforms kas iti Lazada, Shopee ken TikTok tapno maammuan no agtungtungpal dagiti online sellers ken content creators iti Bureau of Internal Revenue registration.
