Nagbalin a tulbek da Ronnel Ledesma ken Earl Khendy Bosi ti panagtalek iti bagida, panagregget ken dadduma pay tapno magun-odda ti pammadayaw iti kaleppas a Mathematical Olympiad 2024 a naangay sadiay Macau, China itay laeng nabiit.
Iti interview ti Bombo Radyo ken da Ledesma ken Bosi, kinunada a nupay narigat ti nasao nga event ket inaramidda latta ti kabaelanda tapno magun-odda ti nasao a titulo.
Nagun-od ni Ronnel Ledesma ti Gold Medal Awardee bayat a nabigbig ni Earl Khendy Bosi kas 4rth Placer ken Merit Awardee iti nasao nga event.
Kabayatanna, inyebkasda ti dakkel a panagyamanda kadagiti pamilyada ken dagiti dadduma nga indibidual a simmupurta kadakuada iti Mathematical Olympiad 2024.
Iti agdama, agsagsagana dagitoy para iti umadanin a final contest ti Mathematical Olympiad a maangay sadiay Thailand.
Maipalagip a da Ledesma ken Bosi ket representatives ti Saint Louis University iti kaleppas a Mathematical Olympiad 2024.//Rosemarie Bulsao
