Kinumpirmar ni Senate President Sherwin Gatchalian a saan nga inaw-awat ni Senator Loren Legarda ti sueldo daytoy iti napalabas a tallo a bulan, kagiddan ti agtultuloy a panangilaylayunna iti medical leave daytoy.
Sigun kenni Gatchalian, saan nga inawat ni Legarda ti sueldo daytoy manipud Agusto agingga Oktobre.
Innayon ti opisial nga ipakaammo ni Legarda no ilaylayunna ti medical leave daytoy iti weekly basis.
Maipalagip nga inlaylayun ni Legarda ti medical leave daytoy sipud pay idi Agosto 3.
Naudi a dimmar-ay iti Senado idi Hulio 29, bayat ti plenary session.
Sigun iti pannakangiwat ni Legarda a ni Atty. Tony La Viña, ti 66-anyos a senadora ket agpatpattaming sadiay France gapu iti lung ken autoimmune condition daytoy.
Kabayatanna, sumangsango iti reklamo ti senador ken ti anakna a ni Batangas 1st District Representative Leandro Leviste gapu iti plunder ken graft mainaig iti maatap a pannakapaay ti renewable energy firm ni Leviste a mangipaay iti solar power.
