BAGUIO CITY – Sumango iti kaso a panaglabsing iti Republic Act 9165 wenno Comprehensive Dangerous Drugs Act of 2002 dagiti tallo a foreign nationals kalpasan a natiliw dagitoy iti Legarda-Burnham-Kisad, Baguio City idi rabii.
Nabigbig dagiti Nigerian nationals a da alyas Ypee, 23-anyos, alyas Jerry/Jusi, 21-anyos ken ti Angolian citizen nga agtawen iti 22.
Bin-ig dagitoy nga estudyante, residente ti Baguio City ken maibilbilang kas High-Value Individuals (HVI’s)
Natiliw dagitoy babaen iti bileg ti warrant of arrest nga inserbi ti nagtipon a pwersa ti BCPO Station 3, CMFC, CDEU, Naguillan PS, CIU, RECU-CAR, RID PRO COR ken CIT Baguio RIU 14.
Nakumpiskar kabayatan ti operasyon ti P11,400 ti gatadna a marijuana leaves ken dadduma pay a drug paraphernalia.
