BAGUIO CITY – Nakemmeg ti tallo a lalaki iti naipatungpal a nagsisina a buy bust operation dagiti otoridad ditoy Baguio City
Maibasar iti report, balligi a natiliw ti dua iti buybust operation a naipatungpal sadiay Evangelista St., West Bayan, Baguio City
Nabigbig dagitoy a da James Carlo Calvantes, 36-anyos, residente ti Engineer’s Hill, Baguio City ken Gerald Lopez, 37-anyos, baru ken residente ti Asin Road, Baguio City.
Iti naisayangkat nga operasyon, nakumpiskar kadagitoy ti 6 a pakete ti maatap a shabu nga agdagsen iti 3.14grams nga aggatad iti P18,840 ken ti P6,000 a buybust money.
Kabayatanna, nakemmeg met ti maysa pay sadiay Don Bosco Road, Baguio City
Nabigbig daytoy a ni Mark Juan Morales, 34-anyos, construction worker a tubo ti Laguna ken agnanaed iti Quezon Hill Extension, Baguio City.
Natiliw daytoy kalpasan ti panangilakona iti 1 a plastic sachet ti naglaon iti maatap a shabu nga aggatad iti P6,500 iti otoridad a nagpammarang kas pusher-buyer.
Malaksid iti dayta, nakumpiskar pay manipod kenkuana ti 2 a kanayunan a pakete ti maatap a shabu nga aggatad met iti P3,400; karaman pay ti P7,000 a buybust money ken ti cellphone nga inaramatna iti transaksion.
Sumango met dagiti nasao nga indibidual iti kaso a panaglabsing iti RA 9165 wenno ti Comprehensive Dangerous Drugs Act of 2002.
