BAGUIO CITY – Nakemmeg ti tallo a lallaki gapu iti panagtakawda iti baka sadiay Barangay Halag Proper, Aguinaldo, Ifugao.
Maibasar iti report, dagiti nakemmeg a lallaki ket addaan iti umno a tawen ken bin ig a residente ti Halag, Aguinaldo, Ifugao.
Naamuan a nangbukel ti Alfonsolista MPS iti maysa a survailance team a mangwanawan iti report seknan iti reklamo ti maysa a mannalon nga agtagikua iti baka gapu iti pannakapukaw dagiti taraken daytoy sadiay Barangay Halag Proper, Aguinaldo.
Gapu iti dayta ken babaen iti nasao a survaillance team ket naaktuan dagiti suspek a naituding a mangibyahe iti maysa a baka babaen iti bangka.
Dagus met a napaneknekan a ti narekober a baka ket tagikua ti nagreklamo a mannalon rason iti dagus a pannakakemmeg dagiti suspek
Sumangsango metten dagiti suspek iti kaso a panaglabsing iti Presidential Decree 533 wenno iti Anti Cattle Rustling Law of 1974.
