Baguio City- Nakemmeg ti tallo a lallaki sadiay South Sanitary Camp, Baguio City gapu iti panagparti ken panaglutoda iti karne ti aso.
Dagos nga inreport ti maysa nga umili ti insidente kadagiti kameng ti pulisia kalpasan a naimatangan dagiti suspek a parpartienda ti aso ken isagsaganada ti karne dagitoy.
Sigun iti concerned citizen, “animal lover” daytoy ngem ar-aramidenda laeng ti nasao a banag ken pagbalbalinenda a taraon.
“Animal lover ako, tapos ganoon lang gagawin sa aso; gagawing pagkain.”
CONCERNED CITIZEN
Sigun met kenni PMAJ Harriet Bulcio, pannakangiwat ti Baguio City Police Office, kinabigatan a naangot ti indibidual ken naimatanganna dagiti tallo a suspek ken nakumpirmar a napapatay nga aso dagitoy.
Gapu iti daytoy, sumangsango dagiti suspek iti reklamo iti sidong ti Animal Welfare Act, nga agresulta iti pannakaibalud dagitoy iti maysa agingga tallo a tawen ken multa.
Kinumpirmar met ti Veterinary Office a karne iti aso ti nakumpiskar a karne.
