Pimmusay ti maysa a kaipaspasngay a maladaga gapu iti kinalammin iti panawen idiay Al-Mawasi, iti abagatan a Gaza, sigun ti maysa nga opisial ti salun-at.
Sigun kenni Dr. Munir Al-Bursh, director general ti Ministry of Health idiay Gaza, natay ti kapasngay a maladaga gapu iti nakaro a lamiis iti kampoda.
Ti maladaga ket napanaganan a ni Sela Mahmoud Al-Fasih.
Iti napalabas nga uppat a pulo ket walo nga oras, ni Sela ken dua a dadduma pay a maladaga– maysa a three-day-old ken maysa a one-month-old –ket pimmusay gapu iti nababa a temperatura ken kinakurang ti pannakagun-od iti nabara a pagkamangan, kinuna ni Dr. Ahmed Al-Farra, dadaulo ti pediatrics ken obstetrics iti Nasser Hospital, idiay Khan Younis.
Imbinglay pay ti nasao a doktor dagiti nakaro a karit iti panagbiag a sangsanguen dagiti ubbing a Palestinian a napapanaw manipod kadagiti pagtaenganda iti tengnga ti agtultuloy a panangraut ti Israel iti Gaza strip.
