--Ads--

Indeklara iti Sandiganbayan kas fugitives manipod iti hustisya ti tallo a pada nga akusado ni sigud nga Ako Bicol Rep. Zaldy Co iti graft case ken naibilin ti panagkanselar kadagiti pasaporteda.


Karaman ditoy da DPWH materials engineer Timogen Sacar ken Sunwest board members Anthony Ngo ken Consuelo Aldon a saan paylaeng a natiliw iti tengnga iti arrest warrants a nairuar idi Nobiembre 2025.


Sigun iti korte, posible a maliklikan ti tallo ti proseso iti linteg gaputa saanda a masarakan dagiti otoridad kadagiti nailista a pagtaenganda.


Sumangsango dagitoy iti nagsina a kaso a malversation seknan iti maatap a naanomalyaan a road dike project idiay Naujan, Oriental Mindoro.