Naarestar dagiti tallo a suspect iti maatap a “selling victory” para iti 2025 National and Local Elections idiay Marikina City.
Dagiti naarestar ket mapapati nga IT specialists nga addaan iti akses iti automated result iti nasao nga eleksyon.
Sigun iti Criminal Investigation and Detection Group (CIDG), dagiti suspect ket inreport da Robert Turingan, mayoral candidate iti Enrile, Cagayan ken ti vice mayoral candidate a ni Karen Kaye Tavas Turingan nu sadino, dumanon iti P90 million ti gatad ti kidkiddawen dagiti suspect para iti panangabak dagitoy.
Kasaruno dayta, nangipatuntgpal dagiti kameng ti CIDG iti entrapment operation ken balligi a naarestar dagiti suspect apaman a naipaima kadagitoy ti nasao a gatad.
Sigun iti CIDG, dagiti suspect ket sumangsango iti kaso a robbery with intimidation or violence/robbery extortion, panaglabsing iti Revised Penal Code mainaig iti Cybercrime Prevention Act of 2012 ken iti Omnibus Election Code of the Philippines.
