BAGUIO CITY – Nakemmeg ti tallo a high value individual iti iligal a droga kasaruno iti naisayangkat a buybust operation sadiay Purok 6, Bulanao, Tabuk City, Kalinga
Nabigbig dagitoy a da Jocel Bayle Gunnawa, 43 anyos, ken residente ti Purok 6, Bulanao, Tabuk City, Kalinga; Lino Bunas Gud-Ay, 50 anyos, awanan trabaho ken residente ti Malinawa, Tabuk City, Kalinga ken Christma Albing Soposop, 32 anyos, awanan asawa, meat vendor, ken residente ti Dagupan, Tabuk City, Kalinga
Maibasar iti report, nakumpiskar kabayatan ti operasyon ti uppat a pidaso ti pakete a naglaon iti mapapati a shabu nga agdagsen iti nasurok kumurang 10 a gramo ken aggatad iti P68, 000
Malaksid iti dayta, naala pay manipod kadagiti suspek ti dua a pakete a naglaon iti mapapati a residue ti shanu, nagduduma a drug paraphernalia ken buybust money a naaramat iti transakyon
Gapu iti dayta, sumango dagiti suspek iti kaso a panaglabsing iti RA 9165 wenno Comprehensive Dangerous Drugs Act of 2002
