Dumanon iti tallo a Chinese warships ti naimatangan bayat ti panangisayangkat ti uppat a barko ti Philippine ken US Navy, agraman ni Philippine Coast Guard’s Gabriela Silang, iti division tactics iti amianan a laud ti Bolinao, Pangasinan, idi Sabado, Abril 26.
Ti division tactics ket paset ti Multilateral Maritime Event iti sidong ti Philippine- United States Balikatan Exercises 2025, nga addaan panggep a masanay ti koordinasion ken panagmaniobra paglaingan iti panagmaniobra kadagiti kaalyado a pagilian.
Indauloan ti BRP Ramon Alcaraz (PS-16) ti aktibidad.
Awan pay ti opisial nga statement ti Philippine Navy mainaig iti naimatangan a barko ti Chinese Navy.
Nupay kasta, immunan a kinuna ni Commander Johanns Cruzada ti BRP Ramon Alcaraz nga awan ti epektona ti kaadda dagiti barko ti China iti baybay ti Pilipinas iti pannakaipatungpal dagiti aktibidad ti Balikatan exercise.
