BAGUIO CITY–Nagballigi dagiti tallo a Cordilleran MMA Fighter iti nagduduma a labanda iti naangay a ONE: Reign of Kings idi rabii.
Nabigbig nga ONE interim bantamweight champion ni Kevin Belingon kalpasan nga inabakna ni Martin Nguyen iti maikalima a rikos ti labanda.
Nagbalin nga agresibo ni Belingon iti amin a rikos ti labanda babaen iti epektibo a combinations daytoy.
Naala met ni Eduard Folayang ti unanimous decision a panangabak kontra kenni Aziz Pahrudinov ti Russia.
Gapu iti daytoy, addaanen ni Folayang iti 20-6 win-loss record.
Kabayatanna, nagu-od met ni Joshua Pacio ti maikatlo nga agsasaruno a panangabakna kalpasan a nagballigi kontra kenni Pongsiri Mitsatit babaen iti tap out ken submission iti umuna laeng a rikos ti strawweight fight.
Malaksid iti daytoy, nagballigi met laeng ni Filipino strawweight Rene Catalan babaen iti unanimous decision kontra kenni Stefer Rahardian ti Indonesia.
