BAGUIO CITY–Simmuko kadagiti tropa ti gobyerno ti tallo a kameng ti komunista a rebelde a New Peoples sadiay Barangay Bugbuga, Sta Cruz, Ilocos Sur.
Segun kenni Lt. Col. Isaganani Nato, panakangiwat ti AFP Northern Luzon Command, dagiti nasao nga indibidwal ket bin-ig a residente ti Brgy. San Ramon East, Manabo, Abra ken simmuko dagitoy kadagiti kameng ti 81 st Infantry Battalion ti 7 th
Infantry Division.
Nabigbig dagitoy a da Joel Tayan Sabino A.k.a Ben, miyembro ti Begnalen Command; ni Judith Balingsat Dumalig A.k.a Maya kenni Jayson Batuli Catriz a.k.a Mayo ken agpada dagitoy a miyembro ti Milisyang Bayan Komiteng Larangang Gerilya (KLG) Montes nga agop-operate sadiay Tubo, Abra.
Insukoda metlaeng dagiti igam dagitoy a pakairamanan bala ken magazine, maysa a COLT M16A1 rifle ken dua a caliber 30 Springfield Garand rifles.
Impakaammo met ti Northern Luzon Command a maipaayan dagiti nasao nga indibidwal iti gundaway nga agbiag iti normal ken maipaayanda metlaeng iti panggedan. //at
