Naituding nga ipatungpal ti Transport group Samahang Manibela Mananakay at Nagkaisang Terminal ng Transportasyon (Manibela) ti tallo nga aldaw a tigil-pasada inton Hunio 10 agingga 12 iti agdama a tawen kas panagprotesda iti panagtiliw kadagiti saan a nakapag-consolidate a jeepneys.
Sigun kadagiti dadaulo, agprotestada iti sanguanan iti opisina iti Metropolitan Manila Development Authority (MMDA).
Agtultuloy gamin nga ipatpatungpal ti Land Transportation Franchising and Regulatory Board (LTFRB) iti panagtiliw kadagiti saan a nakapag-consolidate a public utility vehicles (PUVs) a saan a nagaplikar ti prangkisa a naikkat kalpasan ti Abril a trenta a deadline para iti consolidation.
Ti consolidation dagiti Public Utility Vehicle ket paset ti umuna nga addang ti gobierno a PUV Modernization Program nu sadinno, rumbeng nga amin a jeepney operators ken drivers ket makapag-consolidate iti maysa a kooperatiba.